كنت امبارح وياك
.................
أنا كنت امبارح وياك
قلت كلامى كله معاك
كان نفسى أسمع منك
كلام كتير وبترجاك
اوعى تكون بتلعب بيا
ومشاعرى كلها وياك
يوم ما احس انك حتخونى
أكون واحده انت ماتعرفهاش
وياريتك كمان تصونى
والا حياتك معايا بلاش
روح من سكه وانا من سكه
وقول ساعتها ما عرفهاش
أنا مش حزعل لما تقولى
من اولها عشان ماانساش
أصل الكدب ده عمره قصير
ومافيش حب على الكدب ده عاش
أصل هويتك واتمنيتك
وحياتى معاك مااخصرهاش
لما تكون قريب منى بطمنى
وقلبى يروحلك ولا يستناش
ويغيب عنى أصله ارتاحلك
وكمان راحلك وعندى ماجاش
أصل عيونى رجعوا قالوا لى
انك على قلبى ماتتوصاش
يا اللى الدنيا فى بعدك عنى
ولا يوم منها حبيبى تتعاش
ولو كسرت لى قلبى فى يوم
حقول الحب كانه ماجاش
ولو غدرت بقلبى فى يوم
قلبى ساعتها مايتوصاش
غدر بغدر ساعتها حقولك
روح منك لله مابلاش
...................
للشاعرة / راوية حسن
ليست هناك تعليقات:
إرسال تعليق