ردا على قصيدة بنفس العنوان لأخى / كمال العطيوى
*** أبو العُريف ***
يابو العريف ........ إرحمنا خلاص
ياواكل ناسك ............... بالإكراه
والمش ابو دوده ........ م البلاص
بتقول فيتامين .... والله ومحلاه
لو جاني جواب .. ومكتوب خاص
بكل برود ............. بتقولي أقراه
يابو العريف ........ إعمل معروف
إرحمنا ياخال .......... لم التعابين
لو روحنا قويسنا تقول دي منوف
وعايزنا نتوه .......... ويا التايهين
والكلب اللولو ... تقول دا خروف
والورد البلدي ...... تقول ياسمين
وأهل الشام ....... لو قالو ملفوف
بتقول لفة خبيزة ....... أم ياسين
لو مرة سألنا ........ ع المولوتوف
بتقول .......... دي غنية بالبروتين
وعينك بجحة .... مافيها كسوف
وف أي شمال .... بتقول دا يمين
يابو العريف ........ إعمل معروف
لو قلت أنا جاي .. ماحنش فاتحين
بقلمي أحمد أبو عاصم
ليست هناك تعليقات:
إرسال تعليق