صباح الفل يا بلادي
...................
صباح الفل يا بلادي
صباح صافي صباح نادي
صباح المسك والعنبر
صباح ع الدلتا والوادي
صباح بالورد متعطر
صباح نادي علي سينا
ف يوم النصر متسطر
صباح ع المرسي والمينه
صباح الخضره والمنظر
وصوت المدنه بيكبر
صباح ع الكل بينادي
وصوت القلعه والأزهر
صباح بالفرح متبسم
صباح بيغني ويقسم
وصوت الضحك بيقرقر
ولقمه طعمها سكر
ف إيد فلاح علي الترعه
بيروي الأرض ويخضر
ويهدي للعيون شمعه
ف عز الضلمه بتنور
ورمش غزال بيتمخطر
يشيل الورد ويهادي
صباح الفل يا بلادي
صباح صافي . صباح نادي
......................
بقلم / طه إبراهيم
ليست هناك تعليقات:
إرسال تعليق