أغنية العيد
إفرحوا يللا .. وأشكروا ألله ( أللا )
لبس ما شالله في يوم العيد
إجرى وظقطط .. روح واتنطط
يللا اتشقلط إحنا ف عيد
عزه وأحمد .. داليا وأمجد
دنيا وأسعد عايشين عيد
مصروف فكه .. فيه البركه
علــُّــوا الضحكه الكل سعيد
ما تفرحوا ياللااااااااااا
رصوا الكعك مع البيتيفور
والبسكوت أنا بيه مسرور
ربى يعيده علينا سرور
ويفرحنا ف يوم العيد
شايله البنت ف إيدها الشنطه
وبتلعب كده حطه يا بطه
فرحانه وبتنط النطه
بتغنى أهو جانا العيد
ما تفرحوا ياللااااااااا
العيد جمّع شمل العيله
والأحباب عاملين هُلـّيله
مع أصحابنا الفسحه جميله
محلا اللمّّـه ف يوم العيد
يلا نعيش أحلى الأوقات
مع بعضنا لو حتى ساعات
والعُودَه بْ يـُـمــْــن وبركات
وما يحرمنا بْيوم العيد
ما تفرحوا ياللاااااااااا
ليست هناك تعليقات:
إرسال تعليق