إيه ذنب وردِك
الصوره للفنان الجميل
الأستاذ محسن البحيري
الله يرحم شهداء الوطن
ويجعلهم فى الفردوس الأعلى
تِتقطع إيد اللي تِتمَد
على ولادك يا مه يابهيه
اللي واخده بس على الهَد
مش حابه تبني ولو بالنيه
غير قتل جنودك اللي زي الورد
الحارسه حدودك من كل ناحيه
إيه ذنب وردك ف عز البرد
أو ف نار الحر يموت ضحيه
تِتقطع إيد كل جاحِد
واكل وينكر فضل خيرك
عقله ضلمه ليكي حاقِد
كاره نورك مِخالف سيرك
ف قلبه غِل لدينُه فاقِد
فاشِل ينجح في تغييرك
العَقل بيقول إنه بارِد
خارج عن سِرب طِيرك
العَدل تقيمي عليه الحَد
بقطع رِقبتُه تشوفُه الدنيا
يكون لأهل الشر بجد
عِبره وعِظه من غير دِيه
عِبره وعِظه من غير دِيه
ليست هناك تعليقات:
إرسال تعليق