بلا أحزان
وربَّك لو يريد يدِّى
ومن بين العطايا ساعات
ف لحظات الصفا يكشف
غشاوة عن عنيك فتشوف
حقيقة حتى لو كانت
هتوجع قلبك الوردى
لكن بتعدِّل المسارات
فتسلك الاتِّجاه الصحّ
وآهى أيام وبتعدِّى
تقرَّب.. تبعد المسافات
ما بين الاتنين
لقا وغياب
مهيش فارقه
ولا محتاجه حتى عتاب
وشىء واحد بقى فارق
بدل ما الخطوه دى شارده
بقيت بحساب
وكان الورد طارح شوك
لقيت الشمس من تانى
بتغسل من ضياها عنيه
وجاله ربيع كده مندِّى
بأجمل طرح
فلمّ الحزن بعضه وراح
لقيت الورد فوق أغصانه
بيفتَّح
بلا أحزان
ومن غير جرح ... !
ليست هناك تعليقات:
إرسال تعليق