هتتعافـى
بلاش بكي دمعك فطر قلبي
دا أنتي العزيزة وإنتي كمان
حبي
بقالك سنين
دمعك ع الخدود
يجري
ودمعك يا طاهرة
كان سبب أسري
أصبحت أسير حبك
وف حبك خلصت أنا صبري
أنا عايز أقولك كلمة
في سقف الحلق
مخنوقه
إنتي سبب دمعك
وإنتي محقوقه
ما فارقتيش ما بين
الردى وأبو نية مسروقه
ولا بين الخسيس
اللي مناه
يشوفك بحبل مشنوقه
واللي مثل عليكي الحب
وإنتي محروقه
زود عليكي النار
وعامل نفسه
بيطفي
ومن ناره قولتي
اتحرق كفي
مع إن ناره بارده
ما طلعت في يوم
دخان
واللي قال إنتي
في قلبي
وقلبه حجر
صوان
راسم ع العيون ضحكة
ويتمني يغرقك
آحزان
واللي يوسوس في ودنك
كما الشيطان
خناس
باعك ف لحظة
من غير سوق
ولا ناس
واللي سابك وراح يكدب
كدبة عبت الكراس
واللي في سوق الرجال
ما يسوي حتي
مداس
ارجوكي فوقي وروقي
وارجعي تاني
دا أنا في حبك
عمري ما كنت أناني
أنا منك وليكي
ما هو أنتي عنواني
حنانك وصمتك وحزنك
وحضنك
هو اللي خلاني
أقولك إنتي السبب
وفاكرك
لو حتي نسياني
لو كان السبب زمنك
اترملي منه
وانسي خلفته
الشينه
وحادي علي البقيين
لو طب فيهم عطب
مش كلهم وحشين
لو عارفه أنه السبب
اترملي منه
وطمني خلفته
الزينه
نفسي ترجع للعيون ضحكة
ويرجع وشك الفرحان
يا مصر يا غالية
يا معلمة الانسان
فن الحياة والامل
يا جنة الرحمن
امسحي دمعك بمية
نيلك الدافي
ولا تخافي
بأمر الله
هتتعافي
ليست هناك تعليقات:
إرسال تعليق