وبعدين معاك يا زمن
مش ناوى تصالحنى
حكايتك ايه معايا
كل يوم تجرحنى
ليه خصامك طال
مافيش حاجة تفرحنى
لو أنا غلطان يا زمن
حقك علي وسامحنى
أنت ناوى على إيه
وعايز إيه تانى
طلبنا الود والحب
ولسه الفرح ماجانى
فين السعادة فين
خلينى أنسى انى وحدانى
يا بخت صاحب النصيب
اللى يشرب من حنانى
مش هاين عليك يا زمن
أفرح يوم مع حبيب
يكون الحب والأمل القريب
ويكون الشاهد ربنا
ويبقى احلى نصيب
ادعوك يا رب يا مجيب
تلبى مطلبى والاقى الحبيب
وبعدين معاك يا زمن
كلمات / خالد سعد
ليست هناك تعليقات:
إرسال تعليق