السبت، 21 مايو 2022

جوز قروش ...... للشاعر / فتحي نجم

 




ال جوز قروش المتعانين

جوا ف دولاب الزمن

حبة حنين متروبين

متشعلقين في سقف الأماني

صياد قروش مابهمهوش

حيل الفقارا الشقيانين

من غير تمن

متعلقين في حبال دايبه

وكتيرنا بيعاني

شقيت في بطن الجوع

كام قطوع وكام قنايه وطريق

سابيت لكل اللى واكل

حق مش حقه وعامل رفيق

دقيت في ضهر الحوت ١٠٠ وتـد

زرعت شجرة صبر وقت الضيق

كل الحروف فيها عليل وعليل

متشوقين لعنب اليمن

وكتاب الأغاني

بقلم/فتحى نجم

مايو 2022

 

 

ليست هناك تعليقات:

إرسال تعليق

فن البوستات كمال العطيوى