شايفك بقلبي
بقلم د /عمر عبد الجواد
اهداء لبنت أخويا يوم عقد قرانها
*************
شايفك بقلبي من بعيد
بتقول عني و تعيد
شايل صورتي
و تجيب في سيرتي
و تحكي عني و تزيد
شايفك بقلبي من بعيد
مانا قلبي دليلي
في نهاري و ليلي
يحكيلي عنك و يشكيلي
أنك من غيري عايش وحيد
شايفك بقلبي من بعيد
شايفك و حاسس بيك
و هوايا باين ف عنيك
و ما فيش حاجه تعنيك
غير لقايا بيك في عمر جديد
شايفك بقلبي من بعيد
ليه علي قلبك بتأسي
و لمركبك مش لاقي مرسي
و تعند و تبعد و تنسي
ان قلبي عاشقك أكيد
شايفك بقلبي من بعيد
هو الغرام عندك حرام
ليه تجيني في المنام
تصحيني و تخليني
ما أعرف أنام
و اسهر معاك في ليلة عيد ؟؟
شايفك بقلبي من بعيد
ليست هناك تعليقات:
إرسال تعليق