الجمعة، 27 مايو 2022

محلك سر ... للشاعر / احمد شاهين

 


 

محلك سر

وفى الدايره

بلف وادور

ويعلا ويعلا

مليون سور

وانا عايش

ولو سألونى

عن حالى

بقول مستور

قناعتى بجد

راس مالى

شعاع النور

كفايا ع الصراط

ماشى

ومش ناسى

بنات الحور

تاخدنى الفكره

للفكره

ومين ضامن

يعيش بْكره

ومش نادم

ولا مكسور

محلك سر

ومن حواليك

طيور  بتطير

تحلق فى السما

وتغيب

وكان فيهم

أعز حبيب

ولا عمرك تبات

مقهور

محلك سر

بِتدارّى من الأضواء

لا عمرك تعشق الشهره

ولا فيك لهجة استعلاء

ولا مره تعيش فى الدور

محلك سر

بتفهم فى عقول الناس

وتفكيرهم

ولا عمرك بترضى فى يوم

بتكفيرهم

ورب العزه خيّرهم

وقال من شاء يعيش كافر

ومن أمن يعيش مسرور

محلك سر

وفى الدايره

خطوط وخطوط

وناس تحريكها

ليه بخيوط

وناس بتعيش

لكن بشروط

وناس وحياتها

زى الموت

وفى الدايره

برغم الضِيق

كنوز ينعم بها

المخاليق

وبدل السكه

ألف طريق

وفى الدايره

وفى الدايره

محلك   سر

كلمات احمد شاهين

 

ليست هناك تعليقات:

إرسال تعليق

فن البوستات كمال العطيوى