( دم الشهيد )
اوعوا تفتكروا إنه مات
ولا سابنا وراح بعيد
ده اللي جوه القلب فات
احلى ذكرى واغلى عيد
ده اللي ساب الدم شاهد
ع الوفا ياام الشهيد
نبضه عايش في المشاهد
الف إيد بتشد إيد
واسألوا الرمله اللي شافت
دمه سايل م الوريد
واللي روحه عليها طافت
راجعه تنزف من جديد
اسمك ورسمك في الوطن
جايبين ملامحك من بعيد
مكتوب عليك تبقى الثمن
علشان يعيش مليون وليد
ليست هناك تعليقات:
إرسال تعليق