تخاريف أبو على ....... بقلم الشاعر حسن عمران

 

 

تخاريف أبو علي!!.

حسن عمران

صباحو مصري.. جميل وعصري..

 والله يرحم.. عبده اللي قصري.. 

نورماندي تو.. تو.. سامع يا توتو..

لو شر جالك.. دوغري تشوطه..

 وتقول إلهي.. وانت جاهي..

لو شر عاود.. ح يلقي موتو..

صابح بغني.. ويارب عني..

أدي الحبايب.. كام كتكوتو..

وكذا فرخة.. حلوة وشارخة..

ونديها شربة.. ويارب قربة..

مع الحبايب.. وكفاية غربه..

غربة حبيبي.. ليه من نصيبي؟!..

م انا بغني. وبقول ف عربة..

وطرب طربرب.. خليك مؤدب..

 تكسب حبايب.. وفيلم أحدب..

فيلم وغربي.. فاكره ياعربي؟!..

عربي مأصل.. ح اروح أفصل..

بدلاية كحلي.. واقضي جمعة..

ف أي سحلي.. سحلي وسحلب..

فات اللي تعلب.. وف ديله سابعة.. 

لفة وشمعة.. شمعة حبيبي..

دي بايته ولعة.. يارب دايما..

حبه مئمن.. وسره باتع..

ولحبي طايع.. كرم مطاوع..

مخرج ممثل.. ولا مره كسل..

ولا كان معسل.. والله يرحم..

كل اللي ماتو.. واللي اللي مرة..

دفع حياته.. عشان مبادئه..

في البدء بدءه.. يرحم نهايته..

وتوتة توتة.. ياأخت توتة..

لو دي حكاية.. كت مظبوطة..

أديها عشرة.. من قلب عشرة..

وإلا تبقي في الأصل فشرة..

وإلا تبقي ف الأصل فشرة!!.

حسن عمران