6 اكتوبر
6 اكتوبر يوم من ايام الإنجازات ....
معاكم انه من وقت فات ....
لكن المثل بيقول اللى خلف ما مات...
قائد خطط ونفذ وخلص فى 6 ساعات...
ومعاه جنود ابطال شداد...
جنود عبروا القنال وبدون خوف...
بخراطيم ميه هدوا خد برليف...
بأراده قويه وبدون تكليف...
اراده كل مصرى شريف...
قاموا وحرروا الأرض.....
حفظوا الكرامة صانوا العرض...
صايمين مؤدين كمان للفرض...
لاننا خير جنود الأرض ...
يوم كلمتنا فيه بقت مسموعه...
وإنجازاتنا انكتبت فى الموسوعه...
اكتب وسجل إنجازاتنا يا تاريخ...
اكتبها وقولها بخط صريح...
اننا ابطال لا يزحزحنا ريح ....
لما سألوني عن 6 اكتوبر قولت عيد نصر..
قالوا لمين قولت لكل العرب مش بس لمصر
انتصار عايش معانا لليوم وكل عصر....
انتصار على جيش كان مغرور ....
احتل ارضنا سنين وشهور...
وفى مفاوضاته بقا يلف ويدور...
قالوا احنا الجيش اللى مش ممكن حد يهزمنا ...
احنا الجيش اللى هنبيد اى حد يقف قدامنا..
احنا الاسياد والباقى يبقا خدامنا...
قالوا احنا شعب الله المختار ...
احنا اللى لا يهمنا بعيد ولا جار ...
قالوا احنا الطيبين والباقى اكيد اشرار..
بسرعه قام الجيش المصرى بالانتشار...
علمهم ازاى الحروب تودار....
وازاى الأرض ترجع لاهلها فى عز النهار...
وازاى الجيش القوى المغرور فى 6 ساعات ينهار...
تحيه لجيش بلادى ....
اللى منهم اخويا وابن عمى وجارى وبعدهم اولادى...
والف رحمه لقائد الحرب والسلام..
منى له تعظيم سلام ...
وأقوله فى قبرك ارتاح يا قائد ونام..
وتحيه لابطال اكتوبر العظام...
من هنا ليهم مننا تعظيم سلام..
بقلم: عادل الشهابى
ليست هناك تعليقات:
إرسال تعليق