ثورة بحر
البحر ثار
طلع خدوده ع الجدار
ودموعه نزلت زي سيل
تروي عيون أسفلت صابها الويل
البحر بيعيط عويل
عمال ينادي المستحيل
ويمني قلبه بالانتصار
البحر غاضب فوق جبين الانتحار
بيمد إيده للفنار
بيقول لأرض الاعتراف
مافيهاش بوار
قومي انطقي
أو شدي نفسك م السكون
الضلع لو ممكن يهون
لازم يكون
علشان ف أرض المحسنين
يبقى عمار
البحر قلب كل جوفه
مسك طروفه
بلاها خوف
زاعق ف خلق الله بموج
فتعالوا شوفوا
البحر بيكلم عيون فيها الحذر
لازم خطر
لاجل ماتبقى يوم
صوت القدر
كلمة بيسمعها البشر
فاتشد حيله م السكات
وتقول لعمر الظلم موت
دا القهر مات
والبحر ثار
#من ديوان# إنسان من نور#
منى عبد الرحمن
ليست هناك تعليقات:
إرسال تعليق