(((أَحَطْ النًاسْ))) ...... للشاعر / تامرابوهيبه

قصيده جديده الى كل مغرور الى كل من هو مريض بمرض النقص

 اهديه قصيدتى بعنوان (((أَحَطْ النًاسْ)))

بقلمى / تامرابوهيبه

.........................

ياللى غرورك كده صوًرْلكْ

إنك فعلاً فوق الناسْ

وان الوضع معاك اتغيًر

وان مكانك بقى حسًَاسْ

وعشان كده بتبيع اصْحَابكْ

وبتجرحهم بالاحساسْ

شايف نفسك فوق فى العالى

وانك والله كبرت خلاص

وان المعدن عندك غالى

اوجسمك مصنوع من ماسْ

إصحى وفُوُء يامريض من نقصك

إصحى وفوء كده م الوِسْواسْ

واللى مخلًى الناس كارهينك

ومش عايزينك والله خلاصْ

بُصْ لنفسك كده فى مرايا

بُصْ لنفسك مرًه وقيسْ

هتشوف فعلاً والله حقيقتكْ

هتشوف نَفْسَك والله رخيص ْ

وعشان تعرف بسْ مقامكْ

إنْتَ بجد أَحَطْ الناسْ

ياللى غرورك كده صوًرْلكْ

إنك فعلا فوق الناس