أنتِ الدنيا يا أميتى
وأنا لكي كمان مرسال
في عز البرد والضلمة
وحشتنى العيلة واللمة
كلمة حلوة قولناها
في حضنك دنيا شفناها
ده انتى الدنيا يا أميتي
في عيونك بكون إنسان
وحشنى الحضن والضمة
وهمسه حب في الأزمة
تخفف همي عن نفسي
ومهما كبرت في عنيكِ
باحس بأني مولودك
وعمرى ما حس من غيرك
بأى أمان .
أنتي الحل فى الأزمة
ووقت الصعب بيعدي
بكلمة صغيرة من فمك
تقوليها بكل حنان
أنتي الروضة و الجنة
في ضحكاية ودعوة
صادقة من قلبك
بتدعيها لرب كريم
يحفظنى من كل لئيم
وبنظر لك بعين القلب
وابعتلك كمان مرسال
مرسال الحب والرحمة
ده رب رحيم وصانى
ببر الأم ....
و جناته فى كلمة لين
اقولهلك بكل البر
ما قولش الأوف بلسانى
وافتكر إنى من غيرك
ما لى وجود
ما انتى اصل لوجودى
سهرتى كتير لترعيتى
وفى عز البرد تدفينى
وإنا تعبان تضمينى
لصلاة الفجر تصحينى
لركعة رب يحمينى
لا قولتى الآه بلسانك
ولا مرة تركتينى
وحبك لى يقوينى
فى وقت الصعب يعدينى
ومهما عملت لأبرك
وأوفى لحظة من عمرك
لا يمكن اقدر أوفيكى
ده وعد ودين
فى رقبتى ليوم الدين.
شعر/ سعيد عرفه
ليست هناك تعليقات:
إرسال تعليق