*****شياطين*****
تلاقى ناس شياطين
لابسين قناع من طين
يخيل عليك شكلهم
يبانو محترمين
★★★★
اكل الحرام بقا غية
وتقول الرك ع النية
ربك بيقبل التوبة
مدام القلوب صافية
★★★★
ازاى يجيلك عين
ترفع ايديك الاتنين
وتسأل الرحمن
بالعفو والغفران
★★★★
والبطن فيها حرام
ازاى تعرف تنام
وتسرح ف الاحلام
ممكن تنام ما تقوم
★★★★
بكرة يجيلك يوم
ما ينفعش فى ندم
ولا فيه عتاب ولا لوم
الا اللى كتبه القلم
★★★★
محمد رجب يعقوب
ليست هناك تعليقات:
إرسال تعليق