حقك علينا يا ربنا.. ...... للشاعر / حسن عمران

حقك علينا يا ربنا..

متأسفين كده كلنا..

وندمانين.. وغرقانين..

ف دموعنا.. هناك وهنا..

أفغان.. عجم.. حاسين ألم..

طليان.. عرب.. كله أتضرب..

حبة عيا خد عمرنا..

غرب وجنوب.. شرق وشمال..

 عايشين ف خوف فوق الخيال!!..

فاهمين يارب لحكمتك..

شايفين عظمتك.. قدرتك..

وحياة نبيك.. عدرتك..

ترفع ألم بمسامحتك..

كل البشر متأسفين..

عفوك يارب العالمين..

أسمع رجانا والأنين..

ولرعب خيم ع الجبين..

دإحنا ف كرمك طمعانين..

عارفين يارب وعارفين..

جوعي وحروب.. ودمار دروب.. 

وناس وضاعوا لاجئين!!..

وحقوق ضياع.. أطماع صراع.. 

وظلم قاهر مظلومين..

نستغفرك ونتوب إليك..

حقك علينا نبوس إيديك..

أرفع غضب.. خدنا ف ضياع.. 

وارحمنا م الرعب اللي شاع..

حسن عمران ٢٠٢٠/٣/٢٠