حلم الغلابة
.........................
حلم الغلابة كان زمان
قلب وبيت مليان أمان
راضين وكله بالحلال
بس يا عم دا كله كان
هِيا الايدين الشاقينين !!
زي الايدين الفاسدنين!!
أبداً يا عم راح كله فين ؟
الحلم طار بين البنين
أفهم يا عم وقول أمين
دا الوعي أصبح مستهان
مفيش حياة متظبطه
تغني الغلابة المحرومين
ولا فيها جلد يكون غطا
ويحس بالوجع الدفين
أحَاسِسِنا ماتت من سنين
السوس بينخر فى الضمير
والنخوة مالت بختها
واتبدل المألوف بلوف
كل المبادئ صابها خوف
وخلاص يا عم الصبر مًل
والظلم هًل يذق روف
الحلم ما بقاش حلمنا
بقي كلمه فى حضن الكفوف
اللي عَالت فوق كتفنا
وبدون كسوف
جانا الخسوف ضلم وخان
طفف وسارق فى الميزان
واللا حرام
كل اللي كان صاحب سمووو
عامل مكان جواه ظلام
شاف الغلابة وقال كلام
وفى النهاية يا ناس
دا عوووو بعبع وحوت
وكمان ف شله عنكبوت
لف الغلابة بكلمتين
هلفوت لكن يعرف يفوت
وإحنا يا دوب بنقول أمين
نايمين حياري ومحتارين
متشعلقين جوة الكهوف المظله
بخيوط قساوة ملغمه
مسخت معالم ضلعينا
مسحت بأحوالنا البلاط
والكل ظاط فوق دهرنا
إحنا الغلابة مين هنا؟؟🤔
حاضر وماضي وربما
اُسكت يا عم وجعت أنا
روح من هنا وخد حلمنا
يمكن يلاقي الدندنه
إحنا خلاص مكتوب لنا
وسط الجراح نفضل قَنا
....... .......... ........
✍ هدى النحاس
ليست هناك تعليقات:
إرسال تعليق