مبروك عليك يا استاذ
============
نفض الغدر عن توبك
وتركت لينا كمان همك
برئ الوطن منك
ومن راحتك
نفضت العطن فى براحه
فضاق البراح بيه
أنا اللى كنت ورده
فى بستان
قطفتها بدرى
هاقول ايه مهو قدرى
صبح وشها شاحب بهتان
أجيب اللوم على نفسى
ولا اشكى مر الزمان
جيت لجل ما تطفى النار
صبحت نارى بيك بركان
على أيدك
وشفت الغدر فى وريدك
فاسيب الوردة فى حالها
لا تشلب دم من شو كها
أنا اللى شلت الهم طول عمرى
ودايما ببات مغلوب
وماشيه الدنيا بالمقلوب
اتوه وارجع افوق تانى
أقول مكتوب
وفين اهرب من المكتوب
مهو مقدر
سقتنى السم من كاسك
وقولت المهر كان دمك
ومن عبطى صدقتك
ركبت مرجيحا طواحا
تطوحنى تدوخنى
تاخدنى لفوق
اقول بكره ها تتعدل
أكيد الحزن هايتبدل
ودموعى تتقلب ضحكات
وانسى كل اللى فات
واعيد ذكره من الماضى
وانا طفله بضفاير
وارجع لزمان
واشرب حب وحنان
ويرجع حضن ابويه
وحجر أمى اللى كان
بيساع الكل زمان
يرد البخت يا منيل
منين البخت يتعدل
فضلت اتوسل واتحايل
وقالى ما أنا بختك المايل
وقف الكلام فى لسانى
وطلعت دمعه سبقانى
كانت فى الضحكه دايبه
تقول خلاص مافيش فايده
بلاش تقول فى كلام وتعيد
وسبنى ياللى وروح لبعيد
ومر فى حلقى كان بيزيد
فأحسن لك
تسيب الوردة فى حالها
لا تشلب دم من شوكه
ليست هناك تعليقات:
إرسال تعليق