كله باسم الله يسمي
الكورونا حارقه دمي
والكورونا فيروس شاغلني
عَمال ياكُل مش مخلي
كله باسم الله يسمي
ضد الكورونا لازم نحارب
فيروسها طبعه له مخالب
يمسك فيك يقول م سايب
وهوه ده هَمك وهمي
كله باسم الله يسمي
لو حسيت أرهاق جنابك
أو سعال يهز بابك
خُدلك ساتر عن احبابك
إبني جدار بينهم وعلّي
كله باسم الله يسمي
لو كمان حرقان ف الانف
واحتقان ف الحلق وجف
ومش قادر تقوم و تلف
هيه دي أعراضها تملي
كله باسم الله يسمي
لو فيروسها منك قَريب
أوعى تكسل او تخيب
أجري بسرعه ع الطبيب
وهات كمامه تكون محلي
كله باسم الله يسمي
عليك و على غسل الأدين
والصلاه ف كل حين
ربك وحده هوه المعين
قادر يرفع عنك وعني
كله باسم الله يسمي
الكورونا حارقه دمي
عصام رمضان جمعه
ليست هناك تعليقات:
إرسال تعليق