فكرونى بيه
...............
فكرونى بيه تمللى فكرونى
وفى حكايه حبه دايما كلمونى
عيشونى طول حياتى
بين حنينى وذكرياتى
فكرونى بيه
الليالى اللى قضيتها معاه زمان
فين حالاقى فى عمرى ليله منها تانى
كان شارينى كان مالينى بالحنان
كان مخلى لى الوجود حب وأمانى
الليالى الحلوه غابت عن عينيا
والأمانى الحلوه ضاعت من ايديا
بس برضه العشره مش حاتهون على
عيشونى طول حياتى
بين حنينى وذكرياتى
وفكرونى بيه
هاتوا سيرته فى كل كلمه تحكوهالى
هو انا فيه عندى أحلى منه سيره
خلوا نار الشوق ترجعنى بخيالى
للزمان الماضى والدنيا الكبيره
دنيا كان هو وانا بس اللى فيها
دنيا راحت وانتهت واللى بانيها
راح وساب لى ذكريات أتسلى بيها
عيشونى طول حياتى
بين حنينى وذكرياتى
وفكرونى بيه
............................
للشاعرة / جيجي أحمد
Gege Ahmed
ليست هناك تعليقات:
إرسال تعليق