آه يا ويلك ... للشاعر / عادل حماد

آه يا ويلك 
م الزمن آه يا ويلك 
ياللى إنت مش داريله 
سبب وباصص لى غيرك 
هى إيه حاصلة 
بتحب وحده قد بنتك 
وقال عايزها كمان تحبك 
د الناس يوماتي تجيب فى سرتك 
وإنت ولا إنت هنا طب ليه كده
يا رزلتك يا تقل دمك 
حس بقى انا مش هقولك 
كل يوم يا راجل يا خايب 
يا عجوز يا ابو شعر شايب 
عيب عليك بلاش مصايب 
ليه تودي نفسك فى داهيه 
وأنت أصلا قديم ودايب
وآه ياويلك 
م الزمن آه يا ويلك 
ياللى إنت مش داريله 
سبب وباصص لى غيرك
راح يجري ايه لو باعت عنها 
وسبت البنايه راحة لى حالها 
يمكن تلاقى وحده تانيه 
هايفه زايك وشاغله بالها 
أما صحيح زمن العجايب 
مليان بلاوي مليان مصايب 
وآه ياويلك 
م الزمن آه يا ويلك 
ياللى إنت مش داريله 
سبب وباصص لى غيرك
وآه ياويلك وآه ياويلك 
وآه ياويلك

عجايب 
كلمات / عادل حماد