شفط دهون ... للشاعر الساحر / ابراهيم دعبس

الشاعر الغنائي ابراهيم دعبس

 

💉 💉 شفط دهون 💊 💊💹

الدهون يا وقعة سودة
م النهاردة بقتش موضة
خسسوني لا يحبسوني 
ويا ميه ف قلب اوضة

الدهون دلوقتي جنحة
او جناية ياعم اصحي
المعصعص ابن ناصحة
و المتختخ ليلته سودة

اه يا كرشي و الفخاد
وقعة سودة وزني زاد
ف خبي نفسك يا سعاد
شدي بطنك يا ام حودة

الميزان في كل حتة
ف الكماين ف المحطة
ده كل وزة و كل بطة
تبقي فتلة وتبقي دودة
#الشاعر_ابراهيم_دعبس