سلام للصعايده .... للشاعر / أحمد سليم

 

 

سلام للصعايده

كان نفسي اكون صعيدي
واخد حقي بإيدي
مش زي ولاد البندر
معرفش علي من ديدي

راجل وملو هدومه
أسد جاثور من يومه
يقول للباطل لع
ولا عمره يعوم على عومه

في الشده أهو
صاحب صاحبه
والكل تملي يصاحبه
هو الرجوله على حق
وأصله دا سابق رسمه

لو ناوي تناسب صح
هو النسب وبجد
يقف جمبك علطول
مش زي أيها حد

وقت الشدايد راجل
وعمره بيك ما يتاجر
الكلمه عنده دي سيف
والخير اهو يملا مراجل

كل الصعيد رجاله
واجدع إيدين شغاله
هما اللي تملي بيبنوا
والباقي عايشها عواله

أحمد سليم