صبر أيوب ......... للشاعر / بهاء الصعيدي

صبر أيوب 

..............

أنا اللي صبرت صبر أيوب ... ومتحمل..

والصبر مل خلاص مني..

ولسه صابر علي المكتوب ...... وبكمل..

والصبر قالي يأخي أرحمني..

-----------------------------------------

ودور علي ناس تانين ..

ودنيا وعيشه غير ديا..

حرام عليك نستني أنا مين ..

في دنيا صعبه ومفتريه..

فيها اللي منك دمهم مش نفس لون دمك..

دي ميه بتجري جواهم خلتهم أتخلو عنك..

ومحدش حس بيك فيهم أنا اللي شلت همك..

انا خلاص أوشكت علي النفاذ سبني أخرج منك..

`~~~~~~~~~~~~~~~~~

أنا اللي الصبر أتحملني ... وكان ع اللي فيا بيعني..

عيط عليا لما شاف ... حبايبي وناسي بايعيني..

قالي أنته أزاي ساكت ... مشفتش حالتك يوم راقت..

من اللي حصلك فقدت النطق ... ولا كل حاجه فيك ماتت..

أنا اللي الصبر أتحملني ... ومل ع الاخر مني..

وقالي ياصاحبي أعذرني ... تعبت م اللي أنا شفته معاك..

أتحملت ياما فوق طاقتك ... ووقفت جنبك لشجاعتك..

سامحني أنا هبعد عنك ... مش قادر أكمل وياك..

صبر أيوب...

.................................

 للشاعر / بهاء الصعيدي