باب الأشواق
................
و انا حاقفل ياب الأشواق
أصل الحب صحيح حراق
بيقيد النار نار من جوانا
وفى الاخر نتيجتها فراق
وإ قفلى بابك من عندك
وبلاش غدرك ظلمك عِندك
حياتى وكله على فاشوش
هو منابى ياستى ف وعدك
إبعنى فى جوابى التنهيده
كام دمعه فايتهم وياكى
وافتكرى كنتى انتى عنيده
وانا كنت الترياق ودواكى
أنا حاقفل ولا حاسمع صوتك
حتى ولو جانى خبر موتك
لا ياروحى لاء بعد الشر
اخرتها وبعدين وياكى
على فكره أنا بابى موارب
أنا حاعمل روحى مش شايف
حا تجينى بلا شغل عقارب
مستنى تجينى أنا مش خايف
حانقيد الشمع وكان طافى
واجرى لك عا الشوك وانا حافى
وارسم لك بالورد خميله
واصفا لك من قلبى وروحى
ولا حاعند مره ولا اجافى
............................
للشاعر / يسري عثمان
ليست هناك تعليقات:
إرسال تعليق