لسه برضو جوايا
جوايا حزن يكفي السنين
جوايا بكي ودموع يملي النيل
جوايا التنهيده في صدري
نفسي تروح من غير ما أدري
فاتت كل هذه السنين
لسه برضوا جوايا الحزن والأنين
صعب الإحساس بالوحده
وبالذات لما ييجي الليل
كنت حاسه بالدفا زمان
بستمده من قلبه طول الأيام
دلوقتي مش بحس بالدفا
ولو عليا ميت غطا
راح وسابني لوحدتي
سابني اعيش مع غربتي
سابني وانا محتاجه ليه
يا دنيا بتعملي معايا كده ليه
طول عمرك ماشيه معايا يا دنيا بالمقلوب
أنا عارفه انه مقدر عليا ومكتوب
وحشتيني يا نور عيني وحبيب القلب
وحشتني ياللي كنت ليا الأم والأب
لسه برضوا جوايا الحزن والأنين
مش هيروح مهما عدت السنين
كل ما اجري علي الفرح
يهرب مني ويسيبني
مش عايش معايا غير الجرح
هو الوحيد اللي ملازمني
نفسي أنام زي زمان
نفسي احسن بالأمان
مش هيرجع تاني الزمان
مهما حصل ومهما كان
ليه يادنيا أسيه كده
تقسي علي الانسان
وهو في آخر الزمان
قرب انتهاء الأجل
في عز ما يكون محتاج لأي إنسان
يقف جنبه ويراعيه
ويبقي العكاز اللي يتسند عليه
وهيبقي الحزن جوايا
لأنك يا حبيبي مش معايا
ليست هناك تعليقات:
إرسال تعليق