سر السعادة
************
ورجعت ادور عالضحكه
فى الزمن اللى عددي
وفات
عن الموده والاحبه
والذكريات
عن شمس بتشد الغطاء
وتقولى قوم
ارمى وراك كل الكسل
وبلاش هموم
افرح وفرفش وانبسط
دا الدنيا يوم
عن نسمه شايله عطورها
عن شمس وجمال غروبها
عن قمر قايم يفوق
بينادى حواليه الأحبه
بكل شوق
عن ذكرياتى وامنياتى
وفرحه ساكنه فى القلوب
كنت زمان أيام ما كان
للفرح توب
أغزل خيوطه ببسمتى
والضحكه كانت غنوتى
والعيشه سهله مافهاش
مناهده
الناس ساعتها كانت
فى ايدها سر السعاده
البسمه شوق والحب
صدق وأمانه
على شحاته سليم
ليست هناك تعليقات:
إرسال تعليق