بحبك قد روحي
كم مره وانتي بتسأليني
أنا بحبك قد إيه
والف مره أجاوبك
قد العالم واللي فيه
إسألي قلبي يجاوبك
قبل حتى ماتسأليه
قلبي بيحس بكلامك
قبل ما انتي تنطقيه
يا اللي ساكنه كل روحي
حتى حلمي بتملكيه
قلبي تايه فوق سحابك
حني يا للا واندهيه
إمتي هتهدى رياحك
واللي جواكي تقوليه
يا اللي بيكي يحلى عمري
قلبي بيدق إسمعيه
راح يقولك يا حبيبتي
إنتي عمرى قلتي إيه
بقلمي/أيمن نوح
ليست هناك تعليقات:
إرسال تعليق