(أريد كعكاً فيه رائحة أمي)
كحك العيد زمان
وأمي وحضن وأمان
كحك العيد على الصواني حكاية
رصتها أمي مع الليالي بداية
ليوم جديد بيجمّع
كل الأحبة ويسمّع
لفرحة تبني فينا الشوق
لكلمة بكرة كله يروق
تلاقي الرسمة على كحكة
وردة عليها كام ضحكة
ولاد العيلة تلعب توت
نقشوا البسمة على البسكوت
صواني الكحك تتفرق
محبة وبيها تتذوق
ميزان الود كان مظبوط
سكر وقلبه بيطبطب
قوام السمن بيظبط
لدمع حزين و قام مبسوط
عليه اللمة بتهلل
وبكرة مسيرها تتعدل
قالوا الصعب مسيره يفوت
وكحكة معاها بسكوتة
كباية شاي وحدوتة
وبعوده في عيدنا بنعيِّد
كنت غفير أو سيِّد
مصر جمالها يتأيّد
كل عصورها ليها شهود
عيد سعيد
تبقى في مصر اكيد موجود
بقلمي :د/نجوى رسلان
#نجوايا
ليست هناك تعليقات:
إرسال تعليق