فرن الجيران ..... للشاعر / عابد الفقي

 

فرن الجيران
       .....
...فرن الجيران ياخال ف الجرن قايم من زمان...
...واقف عل حيله الكل بشوي فيه ويخبز الرغفين...
...صابر عل دا الحال م الصبح بطنه والعه...
... ولا اشتكي ولا نزلتله دمعه ..
...مجمع حواليه الحبايب..
...ويشوي الذره لو زكايب..
...وعمره ما اتاوب..
...ولا قال عاوز انام...
...مسكين يافرن الجار..
...من غيرك كنا نحتار..
...يامنضف بيئتنا واكل المخلفات ومسوي  لقمتنا..
... شوي سمك ياخال..
...وبطاطا وبتنجان حلاوة المساكين..
...وجابر بخاطرنا لابتكسف اللي يجيك ولا اللي ينادي عليك..
...ومسوي كحكنا وبسكوتنا مشاركتنا فرحة أعيادنا..
...متجمعين حواليه الأهل والجيران يساعدوا ف الخبزه...
...سعدا وفرحانين وتلاقيهم قاعدين حوالين الطبليه..
...نازلين عل المطارح تبطيط بلحن جميل تنفع لأغنيه..
...والبال بيكون رايق الهمه بقه يابنات الشمس هتيجي عليه..
...فرن الجيران لو عطلان تبقه الخيبه قويه..
...ياستي فتحيه وانتي ياخاله هنيه اجدعنوا صلحوه قبل الخبزه الجايه..
...بلدي وزيه مفيش مش محتاجين للجاز ولا أنبوبة بوتاجاز..
...أصله مريحنا بلدي واصلي عنه مانستغناش وقوده حاجه ببلاش خيره عل دماغنا..