أنا المغرور
أنا البحر اللي ملهش شطوط
أنا الموج اللي هواه قلاب
أنا الروح اللي كانت بتموت
لكن عمر الشقي غلاب
أنا حبي دا كان بشروط
لكن أصبح في الهوا متساب
000000000000
أنا زمني عليا جار
وهاجرني حبيب سابق
ولا أصبح لقلبي دار
ولا بالود هتسابق
000000000
أنا ياما مشيت مغرور
في دنيا الحب ومكابر
ودلوقتي عليا الدور
اتوه ف الحب و أعافر
0000000000
أنا اللي ضحكت ع العاشقين
ع اللي الحب سواهم
وكنت ببص عالتايهين
واشوف الحيره في هواهم
لكن دلوقتي عندي جروح
وبتدارى من عيون الناس
واخاف ليحسو جرح الروح
ويتعاتبو على الإحساس
000000
أنا فجأه لقيتني طريح
على فرش الهوى نايم
لا سايب روحي وسط الريح
ولا ع البر انا عايم
00000
لكن في الآخر لا هستسلم
ولا هنسى ان انا البحار
ولا عمري مهتكلم
ولو حتى هعيش ف النار
ليست هناك تعليقات:
إرسال تعليق