الأربعاء، 8 ديسمبر 2021

خلصت كلام ........ للشاعر / محمد فهمى مراد

  


خلصت كلام
حاولت اكتب عليكى كلام
ما فسرتش
حاولت اوصف عنيكى غرام
ومقدرتش
لان كلامى عن حبك تلال
من نور
وان غرامى فى عنيكى
يتوه فى بحور
يا ساكنة القلب من جوا
وفاتحة الشيش
مفكرتيش  فى  أن حبيبك الغالى
يروح ما يجيش
وان التقل  فى هوانا
 ما ينفعكيش
وفات من عمرنا حبة
ما تيجى نعيش
ونلحق  م الزمن  سيفه
 ما يقطعنيش
 حقوللك لو كلامى سخيف
ما تسمعنيش
ولو لمُس فى قلبك شئ
تشاوريلى برمش العين
ساعتها حاطير من الفرحة
وادوب ف حنين  
وحاستنى لقانا بشوق
ولو حلمك تبصى لفوق
من الحكمة واصل الذوق
اكون جنبك شقيق وصديق
واتمنى لك  التوفيق
وتتهنى وتتحققلك الاحلام
خلٌصت كلام 

ليست هناك تعليقات:

إرسال تعليق

فن البوستات كمال العطيوى