(( ❤️ نقطة ضعفك ❤️)))
===================
لو يوم جيت على نفسك مرة تبقى أكيد هاتعيش مذلول
خلي إرادتك دايماً حرة . . . . إوعى تكون تافه مخبول
روحك إوعى في يوم تخدعها . نقطة ضعفك فوق وامنعها
وأي نصيحة لازم تسمعها . . . تلقى المايل بقى معدول
دا محدش ابداً يستاهل . . . ان عشانه تنكر ذاتك
تبقى ساعتها غبي أو جاهل . . لو تسمح له يهد حياتك
قرب م اللي بيصنع فرحك . . اللي تملي يشاركك جرحك
واللي بسره تملي يصارحك . . واللي يحسك وقت سكاتك
جاي على روحك علشان مين . . دا مفيش حد بيطمر فيه
ليه م العمر بترمي سنين . . . يوم ما تعوزه محال تلاقيه
فوق واتخلص من أوهامك . . . حط هدف دايما أودامك
تلقى الحظ صبح خدامك . . . وراحة قلبك ها تحليه
عيش الدنيا عرض وطول . . . اصلك فيها عابر لسبيل
خد راحتك لكن بأصول . . . وإذكر ربك صبح وليل
روحك كدا هتكون في أمان . . ولا هاتدوق ابدا حرمان
وتعيش بقى راضي و فرحان . طول ما ضميرك ليها دليل
ليست هناك تعليقات:
إرسال تعليق