قول يا قلم عن عدم وارسمني فى مرايه
ترفع كتابها علم 
واصل لدنيايا
فيه عين تشوف تتقي ما تغمي ف غمايا
وابقى كمالة عدد واعيش فيها مقبور
مع إنها مِلْكِنَا والملك للديان
ليه يسلبوه مننا ملوك زمانهم خان
ما أفتوا فى ضعفنا ولا جابولنا ميزان
عليه النهار يبتسم نلقاه كطاقة نور
حبل الصراخ انقطع لما انشطب جيلنا
ما شال همومنا ولا بالفرح شَيِّلنا
لما اشتكينا الصبر لصبر بهدلنا
وقال قانونها كده بكره تعيش مسرور
وبكره مالو زمن أمسك فى جلبابه
يمكن أشوف القمر أو ينفتح بابه
يمحي غمامة سنين عاشت ما ف رحابه
تاكل ثرى صمتنا ويا الوعود البور
معذور يا قلب القلم فيك الوجع إنهار
سهران بتكتب لها أبيات قصيد تتقال
تكشف عوار ملكها واللى عليه اتشال
وباع كفن حلمها وما اندفن مستور
ليست هناك تعليقات:
إرسال تعليق