لما يبقى الهلس منهج
جوه روحنا وفي الوريد
لما يبقى العك سايد
وسط موج تافه شديد
واحنا تتقلٌَع عنينا
لجل نبني جيل جديد
جيل بيطفح دم قلبه
جيل عزيمته تكون حديد
بــ الإرادة وبــ الدراسة
ويا علم يكون مفيد
جيل ماحدش حلو أده
بــ اجتهاده أو بــكدَّه
لما تبقى الشُهرة ضده ُ
عُمره ُ ما هيعيش سعيد
الحياة إحباط وعِند
لما بنشوف التريند
للي هايف والبليد
ايمته نعدل اللي مايل
حالنا تافه ليه وطايل
والحثالة بيبقوا سادة
واللي شِقيوا من العبيد
ليست هناك تعليقات:
إرسال تعليق