الأندال والزهر
عاشرت . . ناس اندال
وكانوا . . ب 100 وش
زي . . الزهر . . تمام
فيهم الدبش . . والدوش
منهم . . انا . . . تعبان
وحطيت صوابعي في الشق
ضربوا في الندالة امثال
والوش . . كاره . . . الوش
الكبير . . فيهم طماع
يبيع . . شرفه . . لو يقدر
صداع . . . في الدماغ
يحط الملح . . على السكر
اهم حاجة عنده القرش
والتاني . . زي . .الحنش
والسم . . . . . . مداري
ما هو في وصفه . دبش
يجرح . . . . . . وبيداوي
عايش . . حياته . بكش
وكل . . . يوم . . . بوش
والتالت . . مالوش عازة
وفي الندالة . واخد شهادة
يبيع الوهم . . في قزازة
وفي دم . . الناس . . يمص
الرابع . . ده . . خسيس
عينه زايغة . . على الحريم
سكري وبتاع . حشيش
سرك . . لو كان . . في بير
يفضحك . وعليك يرص
الخامس بتاع مصلحته
زي عقدة . . . في . . دبارة
بخيل حتى على نفسه
ويشحت . . تمن السيجارة
ده صنف مالوش وصف
والسادس . زي الشحط
وكلامه . . . كله . . . .عك
دبوس . . في الحلق يشك
يغرق . . في شبر . . ونص
زي . . الدود . . في المش
فين . . الاقي . . الاصيل
وكلهم . . . . . . . اندال
هكسر . . . وراهم . . . زير
وبايدي . . هرمي . . الزهر .
انا الجوكر . . الكسبان
والجوكر . . لازم . . . يقش
كلمات / جراح بكير
ليست هناك تعليقات:
إرسال تعليق