ياللى عامل نفسك مش شايف
أنا عمرى م أحط وشى وأكون خايف
أنا أصلا وشي مرفوع ومش شايفك
.نظرى سته على سته ،،،مش هايف
وبرضوا مُحال أكون عارفك
أصلك خسيس الأصل مِتأصَّل
مرسوم علي جسمك توب ومِتفَصَّل
أنا طول عمري أصيل ومش كارف
ولا مَرَّة كنت من أصلي مِتنصَّل
بأحب كل جدع وحبي له جارف
لأنه ببساطه ف وقت الصعاب
بتظهر حقيقته واشوفه علي أصولُه
بلاقيه صِلِب ووحدُه وبطُولُه
لا يعرف مكر ولا عتاب
فارد كفه لأصحابه وبيسقى محلولُه
مش عويل ولا طبعُه نَسَّاي
ولا فى المصالح بتاع شاي
لحد م ياخد الدور وينولُه
ويمشى ف لحظه ويقول أنا جاي
وهو فص ملح وداب
بعد م خد إللي ناوى علي حصُولُه
،،،إيهاب السقا،،
ليست هناك تعليقات:
إرسال تعليق