ما تنقضيش فيا الوضوء
وتقولي اني منيش طاهر
خليني مرة ف حضنك ادوق
من صنف عدل يكون فاخر
.......
ما تلبّسيش قلبي السواد
وتيجي تمشي في دفنته
وما توهبيش كل الوداد
للي فارض سطوته
.........
وما تمنعيش ع الحلق قوت
وتقولي اصله ابن موت
وانه بيك مش جدير
ومالوهش ف بحورك شطوط!
........
ما تفرديش ايدك لحد
وانا ليكِ بإيديا بمدّ
وما تطلبيش رد السؤال
وانا عندي ليك الف رد!
........
انا نفسي احس انك ملاك
تقوليلي ماعشقتش سواك
واحس اني عليكِ غالي
ومااشوفش للحق انتهاك!
.......
انا كل حاجة عملتها
وحروفي ليكِ انا قلتها
وكنت ليكِ كل شيء
والشيلة عنك شيلتها
.........
فما تسمحيش اني اغيب
هتسيبي ايدي مش هسيب
وقوليلي اني بعشقك
العشق مفيهوش أي عيب!
ليست هناك تعليقات:
إرسال تعليق