تَمن الكرامه الموت
وأقرِّ بيها عويس
ذنبُه انِّ كان راجل
والدَّم فار جوَّاه
الله عليه الله
راجل يا ابو عمُّه
ما هان عليه دمُّه
إزَّاي ابوه يتهان
بالظُّلم والبهتان
وانُّه يقف عاجز
الظُّلم مش عاقر
عمَّال يجيب فـِـ ولاد
خلُّوا الحياه غابه
وحشانه يا طيابه
سامحينا سيبناكي
ونسينا تقاطيعك
وبقينا بنبيعك
سامحنا يا ابو عويس
ابنك طلع راجل
ما قبلش بأهانتك
معرفش يبقى جبان
ذنبُه انُّه كان انسان
ذنبُه انِّ ربِّيتُه
ودراعُه عفِّيتُه
ليرُدِّ بيه الظُّلم
أهو ردِّ بيه عنَّك
إدعيلُه يا عمِّي
يحظى بها شهاده
وولادُه ربِّيهم
رجاله زيِّ عويس
أحرار ما بيهابوا
الظَّلمه والطغيان
والحق لُه أنصار
ثُوار ولاد ثُوار
رفرف هناك يا عويس
فـِـ الجَّنَّه ونعيمها
تُوب الشهاده تُوبك
والَّه عليك خايل
وكتير ماهوش طايل
يبقى راجل زيَّك
الدَّم فيه فاير
نارُه كتير وهجَه
وصعيدي كاللهجَه
تَمن الكرامة
ليست هناك تعليقات:
إرسال تعليق