تخاريف
ينهارأبيض مليان تخاريف مره صاحبت الريس
وخادني في حضنه طلعت ازغرد وأرقص
وقالي كمان خدلك صوره وطلعت في التليفزيون
وعملي البحر طحينه قلت ياود خدلك نايب
هيصت وقلت في نفسي خدلك من الجانب تورتايه
لبست البدله واتعلمت البهويه
النا س عرفتني مع الريس
ودخلت الحاره لقيت غاره
مزيكا وزمر وطبل وزفه
أيوه ياعم ماانت حبيب الريس
قلت ياواد اتعلم فن البهويه
واتعلمت عملت في الأرض التلاجه
بسقعها ببلاش
وقلت ياواد عبي الشمس لحارتي
ولفيت الشارع في كم السياله
وبروح وبخش أجدع قسم
بيصاحبوني إكمن حبيب الريس
وبخلي العاصي يقرب لي
واتهندم قدام الجاني مايعصاني
اتعلمت كمان عالفيس ودخلت تويتر وماسينجر
وعملت المكتب بمديرونازل للناس تأشير
وراكب الموجه الحياني واتسلي بلب وسوداني
وقلبت سيجاير براني وبادبح بدل العجل اتنين
والفقرا خالوني أمير
وفلوس طالعه ونازله زي هطول أمشير
مش تخاريف داحقيقي لميت اللمه وقويت الهمه
وشاركت اكبر شركات عرفوني وعرفت الناس
والمفتاح كان صوره بجواره
وصاحبته الناس بتعملي حساب
وحسابي عدا الملايين مش رشوه ولا دولو
تفتيح مخ وبقيت مشهوراجدع حاتي يأشرلي ادخل
واللحمه الضاني ع المنزل
تليفون ببلاش ومكلمات ولا اجدعها وزير
بطلت اغاني علي الناي وبادخل حفلات المشاهير
وقميصي لبسته حرير
علي الموضه من قلب باريس
غيرت البيت والعربيه
والعمده بيعدي عليه يعظملي
قلت في نفسي ،
اتمتع بالوقت شويه ودخلت العز وودعت العزوبيه
واتجوزت من المشاهيروبقيت مرغوب
باتصور في الجرانين وباطلع في التليفزيون
ولقاء ومحاور يشاغلني باقرا في كل العناوين
والست شريطها علي الباب
مش تخاريف داحقيقي وصحت
واخدت حقي في الدنيا الحلوه
وعشايا من عند الحاتي كباب والكفته المجاني
وبالبس من احلي ملابس وركبت الطياره
وبصيف في بلاد الإغريق وبلب الخلق علي دماغها
والااخاف من أي مديروخليت البحر طحينه
وزرعت الفدادين بطحينه وبنيت في بيوت وقصور
وانا عايش تقلش وزير
متجنتل اكمني صاحبت الريس
وفي الصوره وكأني أمير
ليست هناك تعليقات:
إرسال تعليق