إنت مين ؟؟
****************
كل ساعه بألف وش
يوم تهلب ..يوم تغش
نفسى اعرف انت مين ؟؟؟
مره تعمل فيها صاحب
قال وإيه مخلص أمين !!
واما ألف بضهرى حبه
القى منك الف طعنه
تيجى تحلف ميت يمين
************
إنت مين ؟؟
نفسى اعرف ليه ياصاحبى
تهون عليك عشرة سنين !!
سيبنى بالهم اللى فيا
يكفى منك ماجرالى
بشرب المر بأسيه
شوفت منك العجايب
كنت لى كل الحبايب
بس خونت خلاص عهودك
مش هصدق يوم وعودك
القناع اللى انت حاطه
بان وبان صورتك معاه
الف لون والف وش
والطابور منك بقرش
يلا عبى واملا كرش
بيع ضميرك يلاغش
عبد سيدك الجنيه
تنحنى وتقول يابيه
هو ده صاحبك حقيقى
يلا روح فارق طريقى
واوعى تيجى تقول صديقى
نفسى اعرف إنت مين ؟؟
ياابو طله بألف وش😲😷
#فاطمه علام#
ليست هناك تعليقات:
إرسال تعليق