بطول ليلى يطول ليلك
تناجينى وأنا أجيلك
وروح تضوى قناديلك
ياعاشق ليلك الفتان
سهرت كتير عشان خاطرى
رضيت السير على سطرى
وقلت مفيش غير قطرى
يسابق قلبك الولهان
وباكتب لك أنا بقلبى
فى يوم ما تبيع لطيف حبى
ح أزيلك دوغرى عن دربى
وتصبح فى الهوى ندمان
وتشكى أد ما تشكى
ح أسيبك للهوى تبكى
وتكتب فيا وتحكى
ياناسى والفؤاد غفلان
وأمرك دا صبح أمرى
وعمرك برضه من عمرى
وأعيش نارى على جمرى
فخللى المستخبى يبان
# بتول العتربى
ليست هناك تعليقات:
إرسال تعليق