صوت الدمعة
عارف يعني
لما تيجي تقولى نحلم
نقسم الأحلام بضحكة
تنزل الدمعة ترن
ع الخدود ماتلقى سكة
غير كابوس
إنت عارف
لما تسأل يوم عليا
ألقى قلبي
يااااااااه
الفرح بيشقه شق
يجري لك ويدق دق
يرسم الضحكة ف عنيا
بس عارف
يوم ماتقسى
ليلي يطول
واجري منه يشد فيا
يشبك الصرخة ف إيديا
بس عارف
إني لما احس بيك
وانت بعيد
واعرف انك بيا عايش
أركب الجناحات واطير
فوق بساط الشوق أجيلك
واقسم الأحلام بضحكة
تنزل الدمعة ترن
ع الخدود ماتلقى سكة
غير كابوس
منى عبد الرحمن
ليست هناك تعليقات:
إرسال تعليق