(أيام ورا أيام)
أيام ورا أيام
والعمر بينا بيمشي
وحياتنا قصص وأفلام
عجيبة مبتخلصشي
وكل يوم نودع.أحباب
ونستقبل ضيوف ع الدنيا
أغراب
ونكسب فلوس ونخسر
صحاب
وقرايب لولا الشرع
لاقفل في وشهم الباب
وناس في المصالح أحباب
واحباب بعد المصالح أغراب
وبيوت العز لو جارت
لابد عن يوم تبقي خراب
وناس غلابة ضحكتلها الأيام
صبحت عن الشعب نواب
والخليج غير قري وبلاد
وجدد شبابيك وابواب
وبدل الطين بقينا نسكن
فلل وقصور
وشقق في الرحاب
ونركب جيب لاندكروزر
ونركب الريح عشان المليون
يبقي مليار
ومتقولشي عليا نصاب
وناس تعبانة من الراحة
وناس تتمنى الموت
عشان ترتاح من فقر
ساكن معاهم الدار
واهي أيام ورا أيام
والعمر بينا بيمشي
ودنيا بتلعب بينا
ليل ونهار
والخسران اللي يلعب
معاها وهو عن ربه
غفلان
والكسبان اللي يلاعبها
بشرع الله ويعرف
فين الحلال وفين الحرام
احمد شكري
ليست هناك تعليقات:
إرسال تعليق