تعالي نلعب بالمشاعر
اي حاجة عليها أقولك تقولي حاضر
وتبقي وقت الأسئله جوابك حاضر
أفتكري ايامنا سوا كنت عامل ليكي شاعر
يبقي لما تحكي عني تقولي كلام
ما قلهوش أي شاعر
زيي طبعا لما جيت أوصفك
فاكره لما جيت أوصفك
قلت في وصفك كلام يحرك المشاعر
تعالي نلعب لعبه جديده
نعمل قلوبنا صنارة والحب هوا الصيده
نرمي الشبك علي بعض يصطاد أيام سعيده
وتذيد المحبه حبه حبه وفجأه
تيجي سيول شديده
تاخدنا معاها في سكه بعيده
ياما أنا وأنتي ركبنا سفينة العشاق
وقولنا كلام يفتح الخلق لو داق
قولتيلي ياما بحبك فرحتيني بيها كتير
وقلبی عاش يسعد في قلبك بكلام أنعم م الحرير
قلبي كان صادق جدا معاكي
صدقينی وجودك في حياتي أصبح مالوش تأثير
تیجی نلعب لعبه تانيه لعبه حلوه
أنا هعمل دور حبیب
وأما أتعلق بیكي قلبك الخاين يسیب
ولما وقتي في هواكي یخلص
أبقي هاتيها في النصیب
ماهو مش جديد على قلبك
ولا حتي في قاموسك عيب
.............................
شعر/الشاعر بهاء الصعيدى
ليست هناك تعليقات:
إرسال تعليق