،، التجاهل شيء عجيب،،
التجاهل شيء عجيب
لما يجي من حبيب
سود الدنياا في عيوني
كل شيء أصبح غريب
💔💔💔💔💔💔💔
التجاهل مش محبه
التجاهل يعني جرح
دمع نازل من عيون
كان ساكنها كل فرح
حتي دنيتنا الجمليه
الجمال بقي فيها باهت
لما تبعد أو تغيب
التجاهل شيء عجيب
💔💔💔💔💔💔💔
التجاهل يعني امشي
يعني مش عوزاك قصادي
بس انا برده حكبر
مهما تصرخ أو تنادي
كل حاجه هتبقي عادي
طول منا هاين عليك
أنت برده تهون وعادي
ااه باحبك بس قلبي
من الجراح ما بقاش يطيب
التجاهل شيء عجيب
💔💔💔💔💔💔💔
ليه تخبي وليه تداري
المحبه مش حرام
الحرام انك يا غالي
تنسى حبي والغرام
تنسى كل عزيز وغالي
تنسى سهري في الليالي
تنسى أحلام وخيالي
قل لي بالله مش حرام
لا بجد ده شيء عجيب
ليه في لحظه بقيت غريب
ليه بتقتل في المشاعر
بالتجاهل للحبيب💘💘
التجاهل شيء عجيب
💔💔💔💔💔💔💔
محمود فاروق المهدي
ليست هناك تعليقات:
إرسال تعليق