وأنا كنت فاكرة سكتى
سهلة وعمار
والأرض صالحة
وفرعها مليان خضار
كل إللى شفته فى دنيتى
قهر اقتدار
وإن كان طرح يوم زرعتى
كان بان وفار
بس إللى قلته فى كلمتى
كان حلم طار
وأنت إللى تعرف قصتى
وانشق دار
كنت الجميلة فى الفلا
طالها البوار
والصوت محشرج بعدما
صابه العوار
مليت وسالت دمعتى
وعرفت أنا
الانصهار
ولما تاهت خطوتى
خدت القرار
ونسيت مرارى والبكا
والانحدار
ياورد فتح ع الخدود
مزمار وعود
وافتح مسار
يمكن ح تهنى لى الحياة
وأعيش فى فرحة بانبهار
خدت القرار
# بتول العتربى
ليست هناك تعليقات:
إرسال تعليق